UGLAVA

Kontra force i

sudbine teško

je boj voditi, samo ča

se more to je da se pustiš

da te zauglavu i da ča

manje dobiješ po lebrima.

Spremu ti večeru, a  ča

ti to vridi ka si zauglavljen,

moreš se samo slikati sa

svima ostalima i poslati

doma da te gledaju

zauglavljenoga. Slika ne

odaje koliko te uglava

žulja, samo se na njoj vidi

da si kripan, a ča se malo

smiješ, ča je to koga brige.




uglava – ular

forca – sila

lebra – rebra

kripan – debeljuškast