Za nedeljnu juvu,

čučicu pod vodu

spiram.

      .

Grincek skružem za po

praf fini obed.

Mi je nekak čuče mile.

          .

Nigdar ne na jajci

sedeila, piceke

prizivala.

       .

Niesu ni njou,

inkubator je je mati, v

 gajbu othičena kak

siromaček.

za nedeljni obed

meseka komaček.

             .

Ojdi babica bouš vidla

dinosautra!

Kakvoga pak dinosaura?

Pernatoga, znaš taj more leteti!

                   .

Na ploče sem ga z kredu narisala.

Bormeš ljiepi Pterosaur!

Jezuš, em je taj Pterosaur čukun,

čukun dedek ove moje čuče!

               .

Vu mesu se davil,

vu Krede ga z kometu

vrag zadavil,

da bi denes vu Frankine krede

oživel.

         .

Riglja na loncu tanca,

čučica vri.

Same se ti čučica vu vode koturaj,

bolje da si ti obed mouj,

nek ja tvouj!