Ajmo Mare do kafića

pored Korza ćemo sidit

kapučino ćemo piti

puno lipog svita vidit.

Korzo je ka modna pista

malog mista, bela vista.

Ča se nosi u Parizu

to ćeš ti na Korzu vidit

ča u Londri je u modi

to će malo misto slidit.

Tu se šeće gori, doli

tu se smije, ćakulaje

tu se piva, tu se voli,

tu se šuti , barufaje.

Ajmo Mare do kafića

pored Korza ćemo sidit

kapučino ćemo piti

živ teatar ćemo  vidit.