Ne vem kaj me k tebi

navek vleče

gda dojdem vu stari kraj,

noga sama hodi prem potoku

gde smo se furt nas dve

držale za roku.

 

Bila si tak lepa kak mlada,

mi dve jos puce

z istim senjima vsaki dan

kak bi nam dišeći veter protuletja

raskuštral lasi,

da znami med potokom odraz išće

a posle da ti trudne od igre

spletemo lišće.

 

Denes gda dojdem,

još navek si mi lepa

mada takša, kvrgavih prsti

i pogrblena tela

dok te gledim, znam

da bi zate i den denes vse dala,

celo bi živlenje tvoje viseće lasi prala.

 

Veter, kak da zna naše senje,

pak se igra se z nami,

pak nam lasi nosi

kak negda, vu največoj radosti!

Briga me kaj veliju da sem čudna

kaj dojdem ti navek,

ne znaju da vu tebi gledim

vsu svoju mladost punu  živlenjske vreve

same ne kak oni – obično dreve!

 

Denes vu igri vse je isto,

same potok ne v miru

nas v njegovom špiglinu ni!

Morti je dobro

da si ne gledimo lice

mi dve,

ti, moja vrbo i ja,

stare babice.