Na bregu, vu srcu
mi trsek stoji,
najlepše je gda dojdem,

– a ono me milo gledi.
Vrne mi prošlost,

vse moje drage
zato mom trseku oči blage.

Eeeh, moj trsek…

Za tebe

navek dam vse od sebe,

zgrblena pleća, švic sa čela,

dam ti ruke, negdar glatke,
negdar težačke, prave od muži, jake,
ruke pune žulji,

dam ti otprto srce

jer te tak volim,
jer i za tebe Bogeka molim.
Ti mi pak, navek

vse platiš tim grozdjem zrelim
a ja velim,

to je najlepši kušlec
kaj si želim..
Najlepši si mi kad ti sunce
grozdje pozlati,

najdrajši kad z pajdaši

s kupicom vu ruki
popevamo za naš kraj ,
kad ori vsima vu srcu
dragi naš kaj.

Budi dugo tak moj,

zlati mi se navek vu srcu,

budi  moj raj!
Lepi moj trsek

kak zemlica,

kak dragi moj kraj.