Nigdar si prije gruntala nijesam

da bu mi sudbina za brijegem naštimana

ali baš me put prek Sljemena napeljal

da se najdem v hiži jenoga Bistrana.

 

Kaj se tu more – ljubav je slijepa,

ona se nikdar ne drži običaja,

more videti kaj drugi ne vide

i baš ju ni briga z teroga si kraja.

 

Tak su me v selu gledeli v čudu;

“Kaj tu jena Purgerica dela?

Kaj si je hapila našega dečka

kak da ih v Zagrebu ni dost imela?”

 

Ni me bilo briga kaj drugi veliju.

I svojega sem posla imela dosta.

Same su nekoji  brojili vure

gda se buju riješili stranjskoga gosta.

 

A lete za letem same su išla…

Tu je moj dom i moja družina.

I živlenje tak na brzinu se spije

kak najboljša kupica domaćega vina.

 

Čude se toga po času spremenile,

pri Pajdašu se ne tanca, ne dijela Staklenka,

mladost je prešla, druge su mode,

same ja bum navijek dotepenka.