Hiža

Tam pri potoku, na kraju sela,

jena je mala hižica bela.

V dišečem cvetju zaprta stoji,

a vu njoj se je kak navek da spi.

 

Stari zidi tišinu su spili,

predugi cajti vu njih su se skrili,

same z okna kaj se jedva otpiraju

kak da čudne popevke zviraju.

 

Če se prek praga vu nju zajde

ficlek života tu se još najde

kaj more povedat kak bilo je prije

dok tako sama ostala još nije.

 

Ogenj se v peći najenput zgasil

i lampaš kaj svetlom je hižicu krasil.

Prazna postelja s ponjavu pokrita

i zibelka v ljubavi kaj bila je zbita.

 

Vu senjah su cajgeri na staroj vuri,

spiju i rajngle, kuhače, tanjuri.

Ni već ni mirisa domaćega kruha,

ni friškoga mleka kaj deci se kuha.

 

A negda je malo drukčije bilo,

tu se spalo, jelo i pilo,

tu bili su doma i jad i trpljenje

i smeh i veselje i celo življenje.

 

Još samo se veter čez luknje giblje

i hižicu malu počasi zaziblje.

Z križem samoće vu svojoj duši

trpi i ne da mu još da ju poruši.

9 komentara za "Hiža"

Moraš biti prijavljen da bi komentirao.